«Օրինաց երկիրը» կհավատա «Նաիրիտ» գործարանին աջակցելու իշխանությունների խոստումներին, եթե նրանք չձգձգեն դրանց իրագործումը։ Այս մասին մայիսի 22-ին խորհրդարանական ճեպազրույցների ժամանակ, հայտարարեց «Օրինաց երկրի» պատգամավոր Հովհաննես Մարգարյանը։
«Ես երեկ հեռախոսազրույց եմ ունեցել պատասխանատու անձանց հետ։ Մենք կհավատանք գործարանի աշխատակիցներին աշխատավարձի պարտքերը մարելու մասին իշխանությունների խոստումներին, եթե դա հունիսից սկսվի։ Մարդիկ պետք է անհապաղ ստանան ազնիվ վաստակած գումարները»,- ընդգծեց Մարգարյանը։
