Հայաստանի հնարավորինս շատ քաղաքացիներ պետք է մասնակցեն մայիսի 27-ի երթին՝ ընդդեմ էլեկտրաէներգիայի թանկացման: Այդ մասին խորհրդարանում կայացած ճեպազրույցին ասել է Հայ ազգային կոնգրես խմբակցության ղեկավար Լեւոն Զուրաբյանը:
«Երթը պետք է ահռելի լինի, որ իշխանությունները տեսնեն, թե ժողովուրդը մտադիր չէ մարսել դա: Մենք կոչ ենք անում ողջ ժողովրդին մասնակցել մայիսի 27-ի երթին: Ես հասկանում եմ, որ ոչ բոլորն են պատրաստ դրան, բայց մի անգամ պետք է անել դա: Որքան շուտ դադարեցնենք այս «բեսպրեդելը», այնքան լավ»,- ընդգծել է Զուրաբյանը:
Նշենք, որ ՀԷՑ-ի ներկայիս սակագինը 41,85 դրամ է ցերեկվա, եւ 31,85 դրամ՝ գիշերվա համար: ՀԷՑ-ի հայցում առաջարկվում է թանկացնել մինչեւ 58 եւ 48 դրամ համապատասխանաբար:
