Հայաստանը պետք է առողջ արտաքին քաղաքական հարաբերություններ պահպանի իր բոլոր գործընկերների հետ։ Այս մասին մայիսի 22-ին խորհրդարանական ճեպազրույցների ժամանակ հայտարարեց ՀԱԿ ղեկավար Լեւոն Զուրաբյանը՝ մեկնաբանելով Ռիգայի գագաթնաժողվը։
«Հիշեցնեմ, որ նման քաղաքականություն էր վարում Հայաստանը Լեւոն Տեր-Պետրոսյանի օրոք։ Իսկ Հայաստանի ներկայիս իշխանությունները դարձել են այդ հաշվեկշիռը խախտած խաղի գերին։ Շուտով ՀԱԿ պատգամավորները մասնակցելու են ALDE եվրոպական կուսակցության ժողովին, որից հետո մենք մանրամասն կներկայացնենք եվրոպական ինտգեգրացիայի մեր պատկերացումները»,- ասաց նա։
