Ավելի լավ է չքննարկել Թուրքիային եւ նրա մասնակցության հարցը ԻՊ-ի գործողություններին: Այս մասին այսօր՝ մայիսի 22-ին, լրագրողների հետ զրույցում ասել է Գերմանիայի արտաքին գործերի նախարարության պաշտպանության եւ անվտանգության հարցերով ղեկավար Յասպեր Վիկը:
Նրա խոսքով՝ պետք չէ հապճեպ եզրահանգումներ անել, քանի որ Թուրքիան իր մաշկի վրա զգում է Սիրիայի հակամարտության հետեւանքները:
Գերմանացի պաշտոնյան նշել է, որ Թուրքիան արդեն ընդունել է մոտ 1,7 մլն փախստականների, որն իր հերթին բավականին դժվարություններ է առաջացնում անվտանգության առումով: Այս պայմաններում դժվար է ստուգել՝ յուրաքանչյուր փախստական կապ ունի ԻՊ-ի հետ, թե ոչ:
«Մարդը կապ ունի ԻՊ-ի հետ, թե ոչ, ճակատին գրված չէ: Հետեւաբար, հայտարարությունը, թե այդ կազմակերպության հետ մարդիկ կապ ունեն են, դժվար է ստուգել»,- նշել է Գերմանիայի ԱԳՆ ներկայացուցիչը:
Դիտարկմանը, թե ԻՊ-ին հաջողվում է նավթն արտահանել Թուրքիայի տարածքով, նա առարկել է՝ նշելով, որ Թուրքիան տոտալիտար պետություն չէ եւ իշխանությունները չեն կարող վերահսկել այն ամենը, ինչ կապված է մասնավոր սեկտորի եւ քաղաքացիների հետ:
