Մեծ Բրիտանիայում 1997 թվականի արտադրության McLaren F1 Longtail մրցարշավային մեքենա են վաճառքի հանել: Ընդհանուր առմամբ, այդպիսի 10 մեքենա կա:
Ըստ Top Gear-ի, 2004 թվականին McLaren F1 Longtail-ի գերմանացի սեփականատերը մեքենան վաճառել է ճապոնացի գնորդին: Այն պատրաստել են Սուձուկայի մայրուղում անցկացվելիք մրցումներին, սակայն մեքենան մեկ կիլոմետրից ավելի չի կարողացել ընթանալ:
2012 թվականին, Motor-ի փոխանցմամբ, բրիտանական Bonhams աճուրդի տունը մեքենան վաճառել է 8.3 մլն ֆունտ սթեռլինգով (13 մլն դոլարով): Այն ամբողջությամբ վերանորոգել են, որի համար 120 հազար ֆունտ է ծախսվել (186.500 դոլար):
Իսկ հիմա մեքենայի սեփականատերը, որի անունը չի նշվում, կրկին այն վաճառքի է հանել: Սա նման երեք մրցարշավային մեքենաներից է, որոնցով կարելի է երթեւեկել ընդհանուր օգտագործման ճանապարհներին:
