Բրիտանացին զինված խուլիգանների հարձակման է ենթարկվել,սակայն հրաշքով փրկվել է: Ըստ Mirror-ի, հրազենային գնդակը դիպել է տղամարդու բաճկոնի ներսի գրպանում գտնվող iPhone-ին:
Միջադեպը տեղի է ունեցել բրիտանական Ուիդնես քաղաքում: 25-ամյա Դենիել Քենեդին զբոսնելիս է եղել այգում, երբ տեսել է, թե ինչպես մի քանի դեռահասներ զվարճանալու համար փակում են ամբողջ շրջանի ջրամատակարարումը: Նա փորձել է խանգարել խուլիգաններին, սակայն նրանցից մեկը կրակ է արձակել Քենեդիի ուղղությամբ:
Ըստ RG-ի, բարեբախտաբար, գնդակը դիպել է սմարթֆոնին: Կրակոցն արձակած պատանուն շատ արագ գտել են: Նրա տան հետնաբակում հրազենի մի քանի գաղտնարան են հայտնաբերել: Դատական նիստը նշանակված է հունիսին:
