Opel ընկերությունը Adam մոդելին ռոբոտացված Easytronic փոխանցման տուփ է ավելացրել:
Նոր տարբերակն առաջարկվում է միայն 87 ձիաուժ հզորությամբ 1.4 լիտրանոց բենզինե շարժիչով մեքենաների պարագայում: Ընկերության ներկայացուցիչների խոսքով, «ռոբոտով» եւ «start-stop» համակարգով այդպիսի մեքենան 100 կմ-ում 4.7 լիտր վառելիք կծախսի:
Ըստ Motor-ի, մինչ այդ, Adam-ը հասանելի էր միայն մեխանիկական փոխանցման տուփով: Բացի 87 ձիաուժ հզորությամբ շարժիչից, մոդելը նաեւ հասանելի է 70 ուժանոց 1.2 լիտրանոց շարժիչով եւ 100 ուժանոց 1.4 լիտրանոց շարժիչով տարբերակներով: