Մեքսիկայի Միչոական նահանգում հրաձգության հետեւանքով առնվազն 39 մարդ է զոհվել, հայտնում է BBC-ն։
Ոստիկանների եւ ենթադրաբար թմրամաֆիայի անդամ զինված չարագործների միջեւ բախումները տեղի են ունեցել Միչոական եւ Հալիսկո նահանգների սահմանագծին։
Միչոական նահանգը արդեն մի քանի տարի շարունակ հակամարտող թմրակարտելների միջեւ մղվող պայքարի թատերաբեմ է դարձել։ Տեղաբնակները 2013թ. բռնության աճից հետո կամավոր ջոկատներ են ստեղծել թմրամաֆիայի դեմ պայքարելու համար, տեղեկացնում է «Ռոսբալտ»-ը։