Մայիսի 30-ին, ժամը 11.30-ին «Էլիտ Պլազա» բիզնես կենտրոնում կայանալիք «Քաղաքացիական պայմանագրի» հիմադիր համագումարին այլ քաղաքական ուժերի չեն հրավիրի:

«Քաղաքացիական» պայմանագրի» նախաձեռնող խմբի անդամներից  Արայիկ Հարությունյանը NEWS.am-ի թղթակցի հետ զրույցում նշեց, որ այս պահին այլ ուժերի հրավիրելու մասին որոշում չկա եւ կարծես թե չէ լինելու: Համագումարին ներկա են լինելու քաղաքացիական պայմանագրի անդամները, պատվիրակները, համագումարը բաց է լինելու լրագրողերի համար: Դրա ընթացքում ընդունվել են մի շարք որոշումներ, մասնավորապես՝  որոշում է կայացվելու «Քաղաքացիական պայմանագիր» կուսակցության հիմնադրման մասին, կընդունվի կուսակցության կանոնադրությունը, ծրագիրը: Կիրականացվի վարչության անդամների փակ գաղտնի քվեարկության, վերահսկող վարչության ընտրություն: «Քաղաքացիական պայմանագիր» կուսակցությունը ղեկավար չի ունենալու, ընտրվելու է վարչություն, որը կունենա նախագահ:

Արայիկ Հարությունյանն ասաց, որ իրենք պատրաստվում են 2017թ խորհրդարանական ընտրություններին:

Նշենք, որ կառավարման խորհրդի կազմում 2013 թվականի դեկտեմբերի 9-ին ընտրվել էին 7 անձինք, այդ թվում՝ ազատամարտիկ, նախկին պատգամավոր Սասուն Միքայելյանը եւ պատգամավոր Նիկոլ Փաշինյանը։