Դավթաշեն 4-րդ թաղամասի շենքերից մեկի հայտնաբերված տղամարդը մահացել էր թմրանյութից թունավորման հետեւանքով: Իրավապահ համակարգում NEWS.am-ի աղբյուրները հայտնեցին, որ վերջինս թունավորվել է թմրանյութից եւ մահացել մինչ շտապօգնության բրիգադի գալը: Նշված բնակարանի հյուրասենյակում հայտնաբերել են 38-ամյա Գ. Գ.-ի դին: Նա ապրում է Վաղարշյան փողոցի բնակարաններից մեկում, չի աշխատում: Տղամարդու երկու ձեռքերի ափերի արտաքին հատվածում առկա են եղել արյունանման հետքեր: Արտաքին զննությամբ դիակի վրա բռնության հետքեր չեն հայտնաբերվել: Նշանակվել է դատաբժշկական փորձաքննություն, կատարվում է նախաքննություն:
Ավելի վաղ հայտնել էինք, որ Դավթաշեն 4-րդ թաղամասի շենքերից մեկի մոտ մայիսի 22-ին, առավոտվանից հավաքված են ոստիկաններ եւ «Շտապօգնության» աշխատակիցներ: Մեր տեղեկություններով՝ շենքի բնակարաններից մեկում հայտնաբերվել է երիտասարդ տղամարդու դի: Այս պահին տարածքում աշխատում են իրավապահները, կատարվում են քննչական գործողություններ:
