Թուրքիայի Բարթըն նահանգում 35-ամյա Իբրահիմ Քայմաքչըն ծեծելով սպանել է փողոցում իրենից ճանապարհ պահանջող 54-ամյա Թայֆուն Էրոլին։
Թուրքական Milliyet-ի փոխանցմամբ՝ Բարթընի գյուղերից մեկում ուսուցիչ աշխատող Թայֆուն Էրոլը դիմացից շատ դանդաղ ընթացող մեքենայի վարորդից ձայնային ազդանշանով խնդրել է ճանապարհ տալ, ինչը կատաղեցրել է դիմացի մեքենայի վարորդ Իբրահիմ Քայմաքչըին։ Վերջինս կանգնեցրել է մեքենան եւ հարձակվել ուսուցչի վրա, նրան գետին գցել եւ հարվածել գլխին, ինչի հետեւանքով Թայֆուն Էրոլը տեղում մահացել է։
Տեղի ունեցածը տեսագրվել է անվտանգության տեսախցիկի կողմից։