Մյանմայի նախագահ Տեյն Սեյնը օրենք է ստորագրել, համաձայն որի կանանց արգելել են ծննդաբերել երեք տարին մեկ անգամից հաճախ։ Այդ մասին հաղորդում է Associated Press-ը։

Ծննդաբերության վերահսկման օրինագիծը խորհրդարանի կողմից ընդունվել էր նախորդ շաբաթ․ Փաստաթղթի տեքստը պատրաստվել է բուդդայական վանականների կողմից, որոնք խիստ պահպանողական հայացքների կրող են, հայտնում է Gazeta-ն։

Մյանմայի կառավարությունը պնդում է, թե ընդունված օրենքը միտված է մայրերի եւ մանուկների շրջանում մահացությունը նվազեցնելու, բայց իրավապաշտպանները կարծում են, որ դա խախում է մարդկանց իրավունքները, նաեւ միտված է ճնշել բնակչության մի շերտի ծնելիության աճը։