ԱՄՆ Նյու Յորք նահանգում, Գուվերներ քաղաքի փողոցներից մեկում գտել են 9 ուղեղ, հաղորդում է Syracuse.com-ը։

Գանգատուփերից հեռացված ուղեղները հայտնաբերել են երկաթուղային գծերից ոչ հեռու, տեղի բնակիչները։ Մասնագետների կարծիքով, ըստ ամենայնի, ոչխարների, կամ շների ուղեղներ են։ Առայժմ հայտնի չէ, թե ինչպես են հայտնվել փողոցում, գրում է Lenta-ն։

Ոստիկանությունը շտապել է հանգստացնել բնակիչներին՝ նշելով, որ գտածոն քրեական ծագում չունի։ Մեղավորներին, որոնք, ըստ վարկածի, անցնող գնացքի ուղեւորներ են, կարող են միայն պատժել փողոցը աղտոտելու համար։

Ըստ իրավապահների, դրանք կարող էին բժշկական փորձերի համար նախատեսված ուղեղներ լինել որեւէ ուսումնական հաստատությունում։