Մեծ Բրիտանիայի Լեյբորիստական կուսակցությունը սատարելու է Եվրամիության կազմում երկրի մնալու նպատակահարմարությանը վերաբերող հանրաքվեի անցկացումը: Այս մասին գրում է բրիտանական The Sunday Times պարբերականը:
«Բրիտանացի ժողովուրդը ցանկանում է արտահայտվել ԵՄ-ին երկրի անդամակցության հարցի շուրջ, այդ պատճառով լեյբորիստները սատարելու են հանրաքվեի անցկացման գաղափարը»,- ասված է լեյբորիստների ղեկավարության հայտարարությունում:
Ըստ Ինտերֆաքսի, մինչեւ հիմա կուսակցությունը դեմ էր նման հանրաքվեի անցկացմանը, քանի որ կարծում էր, որ այն կարող է Միացյալ Թագավորության համար անբարենպաստ տնտեսական հետեւանքներ առաջացնել: Իսկ հիմա լեյբորիստները մտադիր են իրենց ընտրազանգվածին կոչ անել քվեարկել ԵՄ կազմում Մեծ Բրիտանիայի մնալու օգտին:
Ավելի վաղ Մեծ Բրիտանիայի վարչապետ Դեւիդ Քեմերոնը հայտարարել էր, որ մտադիր է այդպիսի հանրաքվե անցկացնել մինչեւ 2017 թվականը:
