Սիրիայի Տադմոր քաղաքում (Պալմիրա) «Իսլամական պետությունը» քաղաքացիական բնակչության, հիմնականում՝ կանանց, երեխաների եւ ծերերի զանգվածային սպանություն է իրականացրել՝ արդարացնելով հանցանքը թաքֆիրիստական գաղափարներով, որոնք հակասում են բարոյականության եւ հումանիզմի բոլոր արժեքներին:
Ինչպես հաղորդում է Սիրիայի պետական լրատվական գործակալությունը, էքստրեմիստները գլխատել են առնվազն 400 մարդու: Սպանվածների մի մասը պետական ծառայողներ են:
ԻԼԻՊ-ի ահաբեկիչները Տադմորի բնակիչներին թույլ չեն տալիս հեռանալ քաղաքից, խլում են նրանց ունեցվածքը եւ պարտադրում իրենց կյանքի նորմերը:
Սոցցանցերում ԻԼԻՊ-ը խոստովանել է, որ «պատժել է» Ազգային հիվանդանոցի մեծ թվով բժիշկների եւ բուժքույրերի: