Հայաստանի ՏԿԱԻՆ-ում, մայիսի 24-ին, ժամը 21.36-ին ահազանգ է ստացվել, որ Կոտայքի մարզի Մեղրաձոր գյուղի մոտակայքում «ՎԱԶ 2109» մակնիշի ավտոմեքենան դուրս է եկել ճանապարհի երթեւեկելի հատվածից եւ ընկել մոտակա գետը (վարորդը եւ երկու ուղեւորները բարձրացել են ավտոմեքենայի տանիքին). գետից դուրս բերելու համար անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռեւս չբացահայտված հանգամանքներում Հրազդան-Հանքավան ավտոճանապարհի մոտ 11-րդ կմ-ում «ՎԱԶ-2109» մակնիշի 34 DA 651 համարանիշի ավտոմեքենան (վարորդ 32-ամյա Գ. Շ.) դուրս է եկել ճանապարհի երթեւեկելի հատվածից եւ հայտնվել Մարմարիկ գետում:
Հրշեջ-փրկարարները 42-ամյա Յ., 19-ամյա Ս. Խ.-երին եւ 32-ամյա Գ. Շ.-ին անվնաս դուրս են բերել գետից:
Ավտոմեքենան գետից դուրս բերելու համար անհրաժեշտ է հատուկ տեխնիկա: