Բրազիլիայի Ֆեյրա դի Սանտանայի բանտում խռովություն է բարձրացել, որի հետեւանքով սպանվել է 7, վիրավորվել՝ 5 մարդ: Բանտի ղեկավարության տվյալներով, բախումներն սկսվել են բանտարկյալների երկու հակառակորդ խմբավորումների միջեւ: Բանտարկյալներից մեկը գլխատվել է:
Խռովություն բարձրացրած բանտարկյալները պատանդներ են վերցրել հարազատներից, այդ թվում երեխաների, որոնք եկել էին տեսակցելու իրենց հարազատին, հաղորդում է «ՌԻԱ Նովոստին»:
Ներկայումս խռովարարները բանակցություններ են պահանջում տեղի քաղաքային խորհրդի մարդու իրավունքների հարցերով հանձնակատարի հետ:
Ընդհանուր առմամբ, բանտում է գտնվում 1,5 հազար բանտարկյալ: Խռովությանը մասնակցել է նրանցից 350-ը:
