Հայաստանի ՏԿԱԻՆ-ում, մայիսի 24-ին, ժամը 20.58-ին ահազանգ է ստացվել, որ Շիրակի մարզի Գյումրի քաղաքի Խրիմյան Հայրիկ փողոցում տեղի է ունեցել ավտովթար, թիվ 24 համարի «ԳԱԶել» մակնիշի ավտոմեքենան կողաշրջվել է, կան տուժածներ, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «ԳԱԶել» մակնիշի Տ 0752 համարանիշի ավտոմեքենան Խրիմյան Հայրիկ փողոցի սկզբնամասում կողաշրջվել է, ինչից ավտոմեքենայի վարորդ 39-ամյա Ս. Խ.-ն եւ ուղեւոր 20-ամյա Ս. Թ.-ն մինչ հրշեջ փրկարարների կանչի վայր հասնելը հոսպիտալացվել են Գյուրի քաղաքի ԲԿ. բժիշկները տուժածների առողջական վիճակը գնահատել են բավարար:
Հրշեջ-փրկարարները փակել են ավտոմեքենայի գազի բալոնի փականը եւ հոսանքազրկել այն: