Մեկ տարում Հայաստանում 4 դատավորներ կարգապահական պատասխանատվության են ենթարկվել: Այս մասին ասված է ՀՀ արդարադատության նախարարության զեկույցում, որը վերաբերում է 2014-ի ապրիլի 1-ից 2015-ի ապրիլի 1-ն ընկած ժամանակահատվածին:
Աղբյուրի համաձայն նշված ժամանակահատվածում կարգապահական պատասխանատվության ենթարկելու վերաբերյալ 18 հաղորդում է պատրաստվել, որոնցից 7 կարգապահական վարույթ է հարուցվել եւ 4 դատավորներ ենթարկվել են կարգապահական պատասխանատվության:
Երկու դեպքում արդարադատության նախարարը դադարեցրել է կարգապահական վարույթները, մեկ գործ ընթացքի մեջ է: 11 դեպքերում կարգապահական վարույթ չի հարուցվել հաշվի առնելով այն, որ խախտումներն ակնհայտ ու կոպիտ չեն եղել, ասված է զեկույցում:
