«Երիտասարդ կենսաբանների ասոցիացիա» ՀԿ միացել է «Մեծ ցատկ»՝ գետերի եւ լճերի պահպանությանը նվիրված միջազգային արշավին եւ այս տարի Հայաստանում կիրականացվի «Ցատկ Հայաստան» (Jump Armenia) բնապահպանական արշավը:
Արշավի ընթացքում կկազմակերպվեն սեմինարներ, քննարկումներ եւ կինոդիտումներ: Ծրագրի ամփոփիչ միջոցառումը տեղի կունենա հունիսի 7-ին, ժամը 15:15-ին, երբ ծրագրի մասնակից երիտասարդները միասին կցատկեն Ազատ գետը:
Արշավի նպատակն է բարձրացնել հասարակության տեղեկացվածության մակարդակը Հայաստանում ջրային ռեսուրսների բնապահպանական խնդիրների վերաբերյալ: Ինչպես նաեւ խթանել երտասարդների միջազգաին համագործակցությունը: Յուրաքանչյուր թիմ պետք է համգործակցի մեկ այլ երկրի թիմի հետ եւ համատեղ իրականացնի թռիչքը: Այս տարի Հայաստանի գործընկերն է Լատվիայից SUPER SALMONS երիտասարդական թիմը:
Բոլոր ցանկացողները կարող են դիմել «Ցատկ Հայաստան» (Jump Armenia) բնապահպանական արշավին մասնակցելու համար: Արշավի ընթացքում նախատեսվող միջոցառումներին մասնակցելու համար անհրաժեշտ է լրացնել գրանցման հայտը:
«Գետերի եվրոպական ցանց» միջազգային կազմակերպության նախաձեռնությամբ 2005 թվականին շուրջ 250.000 մարդ 22 եվրոպական երկրում ցատկեցին իրենց երկրների գետերն եւ լճերը` ջրային ավազանների խնդիրների վրա ուշադրություն սեւեռելու նպատակով: Այդ օրվանից հետո ամեն տարի հունիսին իրկանացվում են ամենամյա միջոցառումներ: Այժմ ծրագրին մասնակցում են շուրջ 50 թիմեր Գերմանիայից, Լեհաստանից, Ֆրանսիայից, Ավստրիայից, Նիդերլնդներից, Միացյալ Թագավորությունից, Վրաստանից, Լիտվայից, Լատվիայից, Հունաստանից եւ Պորտուգալիայից:
Արշավը Հայաստանում իրականացվում է Ռաֆորդ հիմնադրամի աջակցությամբ:
