ԱՄՆ Բըրբենք քաղաքի հայկական եկեղեցու մոտ արդեն 52 օր ծոմի մեջ գտնվող, ազգությամբ հայ Աղասի Վարդանյանը ծոմից դուրս կգա մայիսի 28-ին: : Այս մասին NEWS.am-ին ասաց Աղասի Վարդանյանը:
Նա նշեց, որ անցած օրերի համեմատ իրեն ավելի լավ է զգում:
«Հույս ունեմ այս 3 օրն էլ անցկացնել եւ մայիսի 28-ին՝ Հայաստանի առաջին Հանրապետության օրը, ժամը 11:00-ին ծոմից դուրս կգամ»,- ասաց Աղասին:
Նշենք, որ Աղասի Վարդանյանը 55-օրյա ծոմ է պահում Հայոց ցեղասպանության 100-րդ տարելիցի համար: Նա ծոմը պահում է 3 մ բարձրությամբ ու 3 մ լայնությամբ ապակեպատ փակ տարածքում: Նա իր հետ վերցրել է ջուր 55 օրվա համար, հագուստ եւ բջջային հեռախոս: Ի դեպ, ամբողջ տարածքը հսկվում է տեսախցիկներով:
