Պաշտոնական այցով ՌԴ hյուսիսային մայրաքաղաքում գտնվող Երեւանի քաղաքապետ Տարոն Մարգարյանի գլխավորած պատվիրակությունն այցելել է Սանկտ Պետերբուրգի Հայ առաքելական Սուրբ Կատարինե եկեղեցի:
Եկատերինա 2-րդ կայսրուհու օրոք Պետերբուրգի հայ համայնքի ղեկավար, ականավոր պետական գործիչ Հովհաննես Լազարյանի նախաձեռնությամբ եւ ողջ հայ համայնքի նվիրատվություններով կառուցված եկեղեցին այսօր Սանկտ Պետերբուրգում բնակվող հայերի համար հանդիսանում է նաեւ ազգային մշակույթի հոգեւոր կենտրոն:
Հոգեւոր հովիվ Տեր Սարգիս քահանա Չոփուրյանը նշել է, որ շուրջ երեքդարյա պատմություն ունեցող եկեղեցին պետերբուրգյան հայ համայնքի համախմբման գործում այսօր լուրջ դերակատարում ունի: Առանձնակի կարեւորելով սփյուռքի գաղթօջախներում հայապահպանության գործում Հայ առաքելական եկեղեցու դերն ու նշանակությունը` քաղաքապետ Տարոն Մարգարյանը շնորհակալություն է հայտնել հոգեւոր հովիվ Տեր Սարգիս քահանա Չոփուրյանին՝ Սանկտ Պետերբուրգի հայ համայնքի համախմբման գործում դրսեւորած նախանձախնդրության համար:
