Ռուսաստանը ղարաբաղյան հակամարտության կողմերի միջեւ համաձայնություն ձեռք բերելուն նպաստելը համարում է իր արտաքին քաղաքականության առաջնայնություններից մեկը։ Այս մասին մայիսի 25-ին Ադրբեջանի արտգործնախարար Էլմար Մամեդյարովի հետ ունեցած հանդիպման ավարտին հայտարարել է ՌԴ արտգործնախարար Սերգեյ Լավրովը։
«Մենք քննարկել ենք միջազգային եւ տարածաշրջանային խնդիրները, մանրամասն կարծիքներ ենք փոխանակել ղարաբաղյան հակամարտության շուրջ։ Մենք Ռուսաստանում նախկինի պես հակամարտ կողմերի միջեւ համաձայնություն ձեռք բերելուն նպաստելը դիտարկում ենք որպես մեր արտաքին քաղաքականության առաջնայնություններից մեկը»,- ասել է Լավրովը բանակցությունների ավարտին կայացած մամուլի ասուլիսի ժամանակ, փոխանցում է «ՌԻԱ Նովոստի»-ն։