ՀՀ Կրթության եւ գիտության նախարարությունը Վայոց Ձորի մարզում սեպտեմբերի կեսերին կսկսի «Մեկ համակարգիչ, մեկ աշակերտ» պիլոտային ծրագրի իրականացումը: Այս մասին այսօր՝ մայիսի 25-ին, լրագրողների հետ հանդիպման ժամանակ նշել է ԿԳ նախարար Արմեն Աշոտյանը:
Նրա խոսքով, արդեն կա կառավարության որոշման համապատասխան որոշման նախագիծը, նաեւ ֆինանսավորման աղբյուրը:
«Հիմա տեխնիկական աշխատանքներ են ընթանում, որպեսզի կատարենք ոչ միայն երեխային տեխնիկական միջոց՝ գաջեթ տրամադրելու խնդիրը, այլեւ ապահովենք այդ տեխնիկական միջոցի հայալեզու կրթական բովանդակությունը եւ դրա տարամադրումն աշակերտներին»,-ընդգծել է նախարարը:
Պիլոտային ծրագիրը կգործի 4 տարի: «Մենք պետք է հասկանանք այդ ծրագրի ազդեցությունը դպրոցներում: Այդ ծրագրի շնորհիվ մենք կստեղծենք նաեւ հայոց լեզվով էլեկտրոնային կրթության նոր ռեզերվներ»,-հավելել է Աշոտյանը: