Հայաստանի Հանրապետության բանտերում 48 անմեղ ազատամարտիկ կա, որոնք այնտեղ են հայտնվել ՀՀ իշխանությունների ցանկությամբ: Այս մասին այսօր՝ մայիսի 25-ին, լրագրողների հետ հանդիպմանն ասաց «Հիմնադիր խորհրդարանի» անդամ Պավլիկ Մանուկյանը։
«Մի կողմից շնորհակալ ենք ռեժիմին, որ մեզ ձերբակալեց, քանի որ տեսանք, որ մեր բանտերում կա 48 ազատամարտիկ, և 240 -ից ավելի անմեղ սպա, որոնք այնտեղ են հայտնվել պատահական՝ ռեժիմի ցանկությամբ: Այժմ մենք մեզ ավելի պարտավորված ենք զգում պայքարելու ռեժիմի դեմ, որպեսզի այդպիսի անօրինականություններ չլինեն մեր երկրում»,-ասաց Մանուկյանը:
«Հիմնադիր խորհրդարանի» անդամ Գևորգ Սաֆարյանն էլ նշեց, որ «նեխած ԿԳԲ-ական միջոցներն» անօգուտ են, և իրենք շարունակելու են պայքարել ռեժիմի դեմ:
«Մենք չենք վախենում բռնություններից և ռեժիմը մեզ չի կարող ընկճել: Երիտասարդությանը կոչ եմ անում դուրս գալ փողոց և միանալ ռեժիմի հեռացման պայքարին»,- ասաց նա: