2015թ. ապրիլ-մայիսին Հայաստանի արտաքին առեւտրի ռիսկերը պահպանվում են։ Այս մասին մայիսի 25-ին խորհրդարանում լրագրողներին հայտարարեց Հայաստանի ֆինանսների նախարար Գագիկ Խաչատրյանը։
Ըստ նախարարի՝ Ռուսաստանի դեմ եվրոպական երկրների կիրառած պատժամիջոցները շարունակում են Հայաստանի արտահանման եւ տրանսֆերտների ծավալի վրա ազդող կարեւոր գործոն մնալ։
Այդուհանդերձ 2015թ. առաջին եռամսյակում նախարարությունը կատարել է բյուջեի եկամուտների պլանը։
«Մենք հետագայում նույնպես կկատարենք պլանային ցուցանիշները։ Սակայն մենք որոշակի մտահոգություններ դեռ ունենք։ Իհարկե այն, ինչ կատարվում է Ռուսաստանի տնտեսության հետ, չի կարող մեր կողքով անցնել»,- հայտարարեց նախարարը։