2015 թվականին Հայաստանում բոլորովին նոր սեյսմիկ սարքավորում կաշխատի: Այս մասին մայիսի 25-ին խորհրդարանում կայացած 2014թ. բյուջեի կատարողականի մասին լսումների ժամանակ հայտարարեց Հայաստանի Տարածքային կառավարման եւ արտակարգ իրավիճակների փոխնախարար Վաչե Տերտերյանը:
Նոր սարքավորումը կտեղակայվի Գառնիի երկրաբանական աստղադիտարանում: «Այն կօգնի ինտեգրվել միջազգային սեյսմիկ ցանցին՝ որակապես նոր մակարդակի մոնիթորինգի շնորհիվ»,- հավելեց Տերտերյանը:
Ընդհանուր առմամբ, Հայաստանում եւ Արցախում շուրջ 150 սեյսմիկ կայան է գործում: Դրանց արդիականացումն անհրաժեշտություն է, սակայն, ըստ Տերտերյանի, Կառավարությունը հույս ունի դա անել նվազագույն ծախսերով:
