Ամերիկյան Թեքսասի նահանգի կենտրոնական հատվածում ջրհեղեղի ժամանակ Բլանկո գետը «սրբել» տարել է տունը, որում այդ պահին եղել է 13 մարդ: Նրանցից 12-ը մինչ այժմ համարվում են անհետ կորած, հաղորդում է Associated Press-ը:
Միջադեպը տեղի է ունեցել Հեյսի շրջանում: Ջրհեղեղի կիպն արձանագրվել է վաղ առավոտյան: Տունը պոկվել է հիմքից եւ ջրի հոսքն այն տարել ու հարվածել է կամրջին: Առայժմ հայտնաբերվել են տան որոշակի կտորներ, իսկ այդ պահին տան ներսում գտնվող մարդկանց ճակատագիրըն անհայտ է մնում, հաղորդում է Lenta-ն:
Ինչպես հարեւան քոթեջները, այդ տունը եւս իրենից մինի հյուրանոց էր ներկայացնում:
Փրկվել հաջողվել է միայն մեկին, որը պատմել է, որ տանն այդ պահին եղել է եւս 12 մարդ՝ երկու ընտանիքներ: Միաժամանկ ավերված տան տերերը չեն իմացել, թե ով է այնտեղ ապրում:
