Մալիի մայրաքաղաք Բամակոյում ՄԱԿ-ի խաղաղապահ է սպանվել: Այս մասին հաղորդում է Agence France-Press-ը՝ վկայակոչելով ուժային կառույցների իր աղբյուրը:
Գրոհայինները կրակ են բացել բանգլադեշցի երկու խաղաղապահների ուղղությամբ, որոնք մեքենայով գալիս են եղել օդանավակայանի կողմից: Նրանցից մեկը մահացել է, երկրորսը ծանր վիրավոր է: Աղբյուրի փոխանցմամբ, հարձակումը գնահատվում է որպես ահաբեկչություն, հաղորդում է Lenta-ն:
ՄԱԿ-ի խաղաղապահների 12,6 հազարանոց զորակազմը Մալիում տեղակայվել է 2013-ի հունվարին Ֆրանսիայի զինված ուժերի գործողության հաջող ավարտից հետո: