Դանիական 24/7 ռադիոկայանի հաղորդավար Էսգեր Յուլը ստուդիայում սպանել է ճագարին, որին բերել էր կենդանիների պաշտպանությանը նվիրված հաղորդման ժամանակ, գրում է BBC-ն։

Հաղորդավարը ինքն էր բերել Ալան անունով ճագարին եւ հայտարարել էր, թե ցանկանում է ստուգել, արդյոք կենդանին կկապվի իրեն հաղորդման ընթացքում։ Հաղորդման հյուրն է եղել կենդանիների իրավունքների պաշտպան Լինես Կեսլերը, ով իմացել է ճագարին սպանելու մտադրության մասին միայն ստուդիան լքելուց հետո եւ ցանկացել է վերադառնալ՝ ճագարի կյանքը փրկելու համար, սակայն արդեն է ուշ է եղել. Յուլը սպանել էր ճագարին հեծանվի պոմպի միջոցով, գրում է «ՌԻԱ Նովոստի»-ն։

Հաղորդավարը հայտարարել էր, որ իր արարքով ինքը ցանկացել է ուշադրություն հրավիրել կենդանիների իրավունքների այն պաշտպանների երեսպաշտության վրա, որոնք չեն հրաժարվում միս ուտելուց։

Միջադեպը սոցցանցերում քննադատության ալիք է առաջ բերել։