Թուրքիայի ընդդիմադիր «Ժողովրդա-հանրապետական» (CHP) կուսակցության կողմից Ադանայում առաջադրված պատգամավորի թեկնածու Էլիֆ Դողանը զինված հարձակման է ենթարկվել։
Թուրքական Milliyet-ի փոխանցմամբ՝ Ադանայի Չուքուրօվայի շրջանի Քարսլը թաղամասում մի սպիտակ մեքենայի մեջ գտնվող անձը կրակ է բացել CHP-ի կողմից պատգամավորի թեկնածու առաջադրված, փաստաբան Էլիֆ Դողանի ոտքերի ուղղությամբ։ Հարձակումից հետո պատգամավորի թեկնածուն տեղափոխվել է հիվանդանոց։
Պատգամավորի թեկնածուն նշել է, թե իր դեմ հարձակումն իրեն վախեցնելու նպատակ է հետապնդել։
Ոստիկանությունը պարզել է, որ հիշյալ մեքենան վարչակալությամբ էր տրված եւ հայտնաբերել է այն անձին, ում գրանցվել է վարձակալությունը։