Մահացել է Թուրքիայի Գյուրսու քաղաքի քաղաքապետ Ջյունեյթ Յըլդըզը, ով ծանր վնասվածքներ էր ստացել անցյալ շաբաթ իր վրա կատարված հարձակման հետեւանքով, գրում է Hurriyet-ը։
Մայիսի 20-ին Թուրքիայում իշխող Արդարություն եւ զարգացում կուսակցության անդամ Յըլդըզի գրասենյակ էր ներխուժել զինված մի մարդ, որը կրակ էր բացել քաղաքապետի եւ նրա թիկնապահի ուղղությամբ։ Նրանց ծանր վիճակով տեղափոխել էին տեղի հիվանդանոց։
Քաղաքապետի վրա հարձակված քաղաքացին հանձնվել էր ոստիկանությանը, գրում է «ՌԻԱ Նովոստի»-ն։