Կառավարության աշխատակազմի ղեկավար-նախարար Դավիթ Հարությունյանը չի ցանկանում խոսել այն մասին, թե ինչու է Սյունիքի մարզպետ Սուրիկ Խաչատրյանի եւ նրա հարազատներին «ամեն ինչ ներվում»։
«Նմանատիպ հարցերին նախընտրում եմ չպատասխանել, քանի որ արդեն դիտավորություն կա այդ հարցում»,- այսօր՝ մայիսի 26-ին, Ազգային ժողովում բյուջեի կատարողականի քննարկումից հետո լրագրողներին ասաց Դավիթ Հարությունյանը՝ պատասխանելով հարցին, թե ինչո՞ւ է Սուրիկ Խաչատրյանին ամեն ինչ ներվում։
Հարցին, թե Սյունիքի մարզպետը չի՞ ազդում իշխող կուսակցության վարկանիշի վրա, կառավարության աշխատակազմի ղեկավարը պատասխանեց. «Կան տարբեր տեսակետներ: Վարկանիշի վրա ազդում են տարբեր կարծիքներ: Որոշ մարդկանց մոտ վարկանիշը դեպի դրականն է փոխվում, որոշ մարդկանց մոտ դեպի բացասականը: Ես իմ կարծիքը նման դեպքերում չեմ արտահայտում»։