ԱԺ պատգամավոր Տիգրան Ուրիխանյանը ԱԺ աշխատակազմի ղեկավար Հրայր Թովմասյանին կոչ է անում անցնել տնտեսական արտակարգ խնայողութունների ռեժիմի։ Այսօր՝ մայիսի 26-ին, ԱԺ-ում 2014թ. բյուջեի կատարողականի քննարկմանը, Ուրիխանյանը հիշեցրեց, որ երկրում մեկ միլիոն մարդ աղքատ է, եւ ԱԺ–ն իր խնայողություններով պետք է օրինակ ծառայի։
«Երկրում մեկ միլիոն մարդ աղքատ է։ Վարչական շենքերի ֆասադների վերանորոգումը, ավտոմեքենաները երկրորդական հարցեր են։ Մենք մեր օրինակով պետք է անցնենք արտակարգ տնտեսման ռեժիմի։ Երկրում իսկապես վիճակը վատ է, իսկ կանխատեսումներն ավելի վատն են։ Տնտեսել է հարկավոր»,– ասաց նա։
Հրայր Թովմասյանը պնդեց, որ որեւէ անհիմն վերանորոգում չի արվել, այլ միայն անհրաժեշտ, որպես պատգամավորներից մեկը «մի օր չընկնի ու կոտրի ոտքը»։ Միաժամանակ, նրա խոսքով, գրեթե բոլոր ծախսային հոդվածներով, այդ թվում` աշխատավարձերի մասով, այս տարի անցած տարվա համեմատ ԱԺ–ն տնտեսումներ է արել։