Թուրքիայի Դիարբեքիր նահանգի Ալանգյոր գյուղի տներից մեկում ծագած հրդեհի հետեւանքով մահացել են ընտանիքի բոլոր անդամները։
Թուրքական Milliyet-ի փոխանցմամբ՝ մայիսի 26-ի վաղ առավոտյան Ալանգյոր գյուղի տներից մեկում հոսանքի կարճ միացման հետեւանքով հրդեհ է բռնկվել։
Տանը քնած ընտանիքի անդամները չեն հասցրել տնից դուրս գալ բոլոր ծանր աստիճանի այրվածքների հետեւանքով մահացել են։
Օգնության հասած հարեւանները մարել են կրակը, սակայն այրված տանը հայտնաբերել են ծնողների եւ 5-ից 13 տարեկան 3 երեխաների դիակները։