Եթե էլեկտրականության թանկացման մեջ կարելի է դրական մի բան տեսնել, ապա միայն այն, որ դա կօգնի խթանել էներգախնայումը։ Այս մասին E5P ծրագրի գործարկմանը նվիրված սեմինարի ժամանակ հայտարարել է ՀՀ էներգետիկայի փոխնախարար Հայկ Հարությունյանը։
«Բնականաբար ոչ ոք չի հայտարարում, որ էլեկտրականության թանկացումն անհրաժեշտ է։ Ուղղակի չկա չարիք առանց բարիք, եթե իհարկե այդ իրավիճակը կարելի է բարիք համարել։ Այսուհանդերձ փաստ է, որ այդ դեպքում էներգախնայման ներդրումները ավելի հրապուրիչ կդառնան»,- հայտարարեց հարությունյանը։
Հիշեցնենք, որ էներգաարդյունավետության եւ էկոլոգիական գործընկերության Արեւելաեվրոպական հիմնադրամի ծրագիրը (E5P) ենթադրում է 20 մլն եվրո դրամաշնորհների հասանելիություն ապահովել համայնքային էներգաարդյունավետության ծրագրերի համար։