Կոտայքի մարզպետ, Գագիկ Ծառուկյանի փեսա Կարապետ Գուլոյանի համար զարմանալի է, թե «ինչով պիտի Ծառուկյանը պաշտպանի» իր մյուս փեսային՝ Արտաշատի քաղաքապետի թեկնածու Արգամ Աբրահամյանին։
Այսօր՝ մայիսի 26-ին, Ազգային ժողովում բյուջեի կատարողականի քննարկումից առաջ լրագրողները Գուլոյանից հետաքրքրվեցին, թե Ծառուկյանը պաշտպանելու է իր փեսային։
«Ինչո՞վ պետք է պաշտպանի։ Չեմ հասկանում՝ ինչով պիտի պաշտպանի։ Եթե պաշտպանի էլ, վատ բան էլ չկա»,- ասաց Կոտայքի մարզպետը։
Նշենք, որ հունիսի 7-ին Արտաշատում ընտրություններ են նշանակված։ Միակ թեկնածուն Արգամ Աբրահամյանն է, որը վարչապետի որդին է եւ Ծառուկյանի փեսան։