Բելգիայի Մեխելեն քաղաքի դատախազությունը քրեական գործ է հարուցել Skype-ի դեմ, քանի որ այդ ծառայությունը հրաժարվել է քննիչներին տրամադրել երկու կասկածյալների անձնական խոսակցությունը։ Այս մասին գրում է բելգիական Le Soir-ը։

Հայկական հանցագործ խմբավորման դեմ հարուցված հետաքննության շրջանակներում 2012թ. Մեխելենի քննիչները նկատել էին, որ 2 կասկածյալ բացահայտորեն օգտագործում են Skype-ը որոշ գործեր քննարկելու համար։ Ի թիվս այլոց, խոսքը վերաբերել է գողացած կամ ապօրինի ապրանքների առաքումներին։ Այդ ժամանակ դատավորը Skype-ից խնդրել էր հասանելիություն ապահովել այդ խոսակցություններին, սակայն Skype-ը հրաժարվել էր՝ հիմնավորելով, որ ինքը Բելգիայում կապի օպերատոր չէ եւ այդ պատճառով չի ենթարկվում Բելգիայի օրենսդրությանը։