Երեւանցին գավառամտությամբ չի տառապում եւ կարողանում է ընդունել ու ճանապարհել հյուրերին: Այս մասին, այսօր՝ մայիսի 26-ին, ԱԺ-ում լրագրողների հետ զրույցում նշել է Երեւանի փոխքաղաքապետ Կամո Արեյանը՝ պատասխանելով 2014-ին բարձրաստիճան հյուրերին թանկարժեք նվերներ (հավաքածուի կոնյակ ու արծաթե գավաթներ) տալու մասին հարցին:
«Եթե ինչ-որ մեկին մի քանի արծաթե գավաթ են նվիրել, դա չի նշանակում, որ մենք փողը քամուն ենք տալիս: Դա նշանակում է մեկ բան՝ մայրաքաղաքի հյուրերը գիտեն, որԵրեւանը ոչնչով վատը չէ այլ քաղաքներից, եւ նույնպես կարող է պահպանել բարձրաստիճան հյուրերի նկատմամբ արձանագրային պահանջները»,-հայտարարել է փոխքաղաքապետը:
