Հայաստանը «Ակունքներ, արոտավայրեր եւ նախնիների մշակույթ» փառատոնի 2015 թվականի հյուրը կլինի, որն անցկացվելու է Ֆրանսիայի հայ համայնքի կենտրոններից մեկի՝ Վալանսի մերձակայքու գտնվող Ալբուսիեր քաղաքում:
Ըստ «Nouvelles d'Arménie» պարբերականի, փառատոնն անցկացվելու է հունիսի, հուլիսի եւ օգոստոսի առաջին երկու շաբաթներին:
Փառատոնն ավարտվելու է օգոստոսի 16-ին. այդ օրը նվիրված է լինելու հովվական մշակույթին: Ծրագիրը ներառելու է ցուցահանդեսներ, սեմինարներ, համերգներ, բեմադրություններ եւ այլն: Ամեն երեքշաբթի կազմակերպվելու են հայկական խոհանոցին նվիրված հատուկ երեկոներ: