Գիտնականներն ահազանգ են հնչեցնում. Անտարկտիկ թերակղզին վերջին չորս տարիների ընթացքում տարեկան 56 մլրդ տոննա սառույց է կորցրել: Մասնագետները չափազանց անհանգստացած են ստեղծված իրավիճակի առիթով, քանի որ ավելի վաղ սառույցների նման հալոցք չի դիտարկվել:
Գիտնականները մտահոգիչ եզրահանգումներն արել են՝ վերլուծելով Եվրոպական տիեզերական գործակալության «Կրիոսաթ 2» արհեստական արբանյակի տվյալները: Ավելի վաղ մասնագետները սառույցների հալոցք էին արձանագրել Անտարկտիկայի արեւմտյան հատվածում, իսկ ահա Անտարկտիկ թերակղզու հարավային հատվածում նման երեւույթ չի արձանագրվել:
Սակայն, ըստ Informing-ի, 2010 թվականի կեսերից մինչեւ 2014-ի ապրիլ Անտարկտիկայի հարավային հատվածի սառույցներն անսպասելիորեն սկսել են հալչել:
Հարկ է նկատել, որ Անտարկտիկայի սառցաշերտերը հալչում են՝ 15%-ով գերազանցելով գիտնականների կանխատեսումները: