2014թ. ՀՀ Նախագահի գործուղումների թիվն ավելացել է։ Այս մասին մայիսի 26-ին՝ խորհրդարանում 2014թ. պետբյուջեի կատարման լսումների շրջանակներում, հայտարարեց նախագահի աշխատակազմի ղեկավար Վիգեն Սարգսյանը։
Գործուղումների եւ այցելությունների համար նախագահի աշխատակազմին հատկացվել է 579.1 մլն դրամ, իսկ փոփոխված պլանը կազմել է 727 մլն դրամ։ «2013թ. հետ համեմատ՝ ծախսերը 30 տոկոսով աճել են։ Դա պայմանավորված է գործուղումների քանակի աճով»,- նշեց Սարգսյանը։
Նշենք, որ 2014թ. նախագահի աշխատակազմի ծախսերի պլանը կազմել է 3 627 մլն դրամ, որը գրեթե ամբողջովին իրականացվել է։