Ապագայում համակարգիչները, հնարավոր է, կկարողանան ամբողջությամբ փոխարինել մարդկանց, սակայն ներկայում հենց մարդիկ են զբաղված արհեստական ինտելեկտի ստեղծմամբ: Ամերիկյան գիտնականները վստահ են, որ առաջիկա 10 տարիներին համակարգիչները կկարողանան լիարժեք կերպով շփվել մարդկանց հետ եւ նույնիսկ սեթեւեթել՝ օգտագործելով տրամաբանական նախադասություններ եւ նպաստելով որեւէ թեմայի շուրջ զրույց վարելուն:
Google կորպորացիայում աշխատող պրոֆեսոր Ջեֆրի Հինթոնի խոսքով, արդեն մոտ ապագայում համակարգիչները կկարողանան նույնիսկ սեթեւեթել մարդկանց հետ: Դա հնարավոր կլինի նոր դասի ալգորիթմերի շնորհիվ, որի ուղղությամբ էլ Հինթոնն այժմ աշխատում է:
Ըստ Planet-today-ի, նմանատիպ ալգորիթմ արդեն գոյություն ունի: Այն օգտագործում են Google Translate թարգմանական ծրագրերը:
Հինթոնի կողմից մշակվող ալգորիթմն արհեստական ինտելեկտին կօգնի հստակ կերպով որոշել առաջին նախադասության իմաստը: Այն կարող է անհեթեթ թվալ, սակայն, հետադարձ կապի օգնությամբ, համակարգիչը կկարողանա սովորել եւ ուղղել իր իսկ սխալները: