«Երկիր Մեդիա» հեռուստաընկերությունը այսօր` մայիսի 26-ին, Երեւանի Ազատության հրապարակում կազմակերպել է Հայաստանի առաջին Հանրապետության անկախության հռչակման 97-րդ եւ «Երկիր Մեդիա» հեռուստաընկերության ծննդյան 11-ամյակի կապակցությամբ համերգ:
Համերգի ընթացքում հայ հայտնի երգիչ եւ երգչուհիների կատարմամբ հնչեցին ազգային-ազատագրական երգեր, ցուցադրվեցին պարային կատարումներ:
NEWS.am-ի հետ զրույցում «Երկիր Մեդիա» հեռուստաընկերության լրատվական, քաղաքական հաղորդումների տնօրեն Գեղամ Մանուկյանը նշեց, որ հեռուստաընկերությունն ստեղծվել է 2004 թվականի մայիսի 28-ին` Հայաստանի առաջին Հանրապետության անկախության հռչակման օրը եւ հենց այդ կապակցությամբ էլ այսօրվա տոնական համերգը նվիրված է նաեւ նաեւ Հայաստանի առաջին Հանրապետության անկախության հռչակման 97-ամյակին.
«11 տարի առաջ մայիսի 28-ին, ժամը 20:30-ին, միացավ «Երկիր Մեդիայի» եթերը: Առաջին օրը շատ դժվար էր բոլորիս համար, սակայն այսօր մեր աշխատանքը շարունակում է նոր սերունդը, որն էլ նշանակում է, որ լավ ենք աշխատել եւ մեր եթերը 11 տարի անց անխափան է»,-ասաց Գեղամ Մանուկյանը:
