Ոստիկաններն երեկ՝ մայիսի 26-ին, կանխել են երկու ինքնասպանության դեպքեր: Ոստիկանության լրատվական ծառայությունից NEWS.am-ի թղթակցին հայտնեցին, որ երեկ ժամը 19:40-ի սահմաններում ոստիկանները կանխել են 49-ամյա Հայկարամ Ե.-ի ինքնասպանությունը, նա ցանկանում էր ցած նետվել Հաղթանակի կամրջից: Նույն օրը՝ ժամը 23:25-ի սահմաններում, Դավիթաշենի կամրջի վրա ոստիկանները կանխել են Գյումրի քաղաքի բնակիչ, 30-ամյա Կարեն Մ.-ի ինքնասպանության փորձը:Երկու դեպքերում էլ տղամարդիկ իրենց քայլը պատճառաբանել են սոցիալական խնդիրներով: Կատարվում է քննություն: