Բրազիլիայի ոստիկանությունը կալանավորել է 30 տարի փախուստի մեջ գտնվող իտալական մաֆիայի պարագլխին։ 56-ամյա Պասկուալե Սկոտտին ձերբակալվել էր Ռեսիֆի քաղաքում։
Սկոտտին Նեապոլում ղեկավարում էր Camorra մաֆիական խմբավորումը։ Իրավապահներն ապացուցել են 1980թ. նրա կատարած 20 սպանությունների փաստը։ 1983թ. նրան ձերբակալել էին։ Կալանքի ժամանակ հրաձգություն էր տեղի ունեցել, եւ մաֆիոզին մի քանի անգամ վիրավորվել էր, ինչի հետեւանքով նրան տեղափոխել էին բանտային հոսպիտալ, որտեղից նա 1984թ. դիմել էր փախուստի։
1991թ. նրան հեռակա կարգով դատապարտել էին ավելի քան 20 մարդու սպանության, ապօրինի զենք պահելու եւ դրամաշորթության համար, գրում է Lenta-ն Reuters-ի հղումով։
Բրազիլիայում նրան ձերբակալել էին մատնահետքերի նույնականացման շնորհիվ։ Նա Բրազիլիայում ընտանիք էր կազմել եւ երեխաներ ուներ։ Մաֆիոզիին կալանավորել էին իր երկու երեխաներին դպրոց բերելու ժամանակ։