ՀՀ կառավարությունը հերթական անգամ կփոխհատուցի Սիրայի, Լիբանանի եւ Իրաքի հայերի անձնագրերի համար մուծվող տուրքերը։
Ինչպես նշվում է մայիսի 27-ի կառավարության որոշման մեջ, 2015թ. առաջին եռամսյակում տրվել է 281 անձնագիր, սակայն առանց պետական տուրքի վճարման։ Դրանցից 235-ը տրվել են Սիրիայում, 39-ը Լիբանանում եւ 7-ը Իրաքում։ Անձնագրերը տրվել են ՀՀ քաղաքացիներին եւ հայկական արմատներով օտարերկրյա քաղաքացիներին, որոնք ՀՀ քաղաքացիություն են ստացել եւ առաջին անգամ դիմել են անձնագիր ստանալու խնդրանքով։
Պետական տուրքի փոխհատուցման համար հատկացվել է 17 մլն 180 հազար դրամ։
Կառավարությունը պարբերաբար փոխհատուցում է նշված երկրների հայերի անձնագրերի պետական տուրքերը։ Փոխհատուցումը հատկացվում է եռամսյակը մեկ։