Ռուսաստանը գնալով ավելի ագրեսիվ դիրքորոշում է որդեգրում Ուկրաինայի հարցում: Նման տեսակետ է հայտնել ԱՄՆ նախագահ Բարաք Օբաման՝ մայիսի 26-ի երեկոյան ՆԱՏՕ-ի գլխավոր քարտուղար Յենս Սթոլթենբերգի հետ բանակցությունների ընթացքում:
Օբամայի գնահատմամբ, ՆԱՏՕ-ի համար «բարդ եւ շատ կարեւոր ժամանակ» է գալիս: Նա վստահություն է հայտնել, որ Հյուսիսատլանտյան դաշինքը կշարունակի աջակցել Ուկրաինային:
Սթոլթենբերգը հերթական անգամ հանդես է եկել մինսկյան պայմանավորվածություններն ամբողջությամբ կատարելու օգտին՝ դա անվանելով «խաղաղության ճանապարհ» եւ կոչ անելով Ռուսաստանին դուրս բերել իր զորքերն Ուկրաինայի տարածքից, հաղորդում է ՏԱՍՍ-ը: