Մայիսի 28-ին եւ 29-ին հանրապետության հյուսիսային շրջաններում մեծ է կարկուտի հավանականությունը: Այս մասին այսօր՝ մայիսի 27-ին, լրագրողներին ասաց ՀՀ ՏԿԱԻՆ հիդրոմետ ծառայության օդերևութաբանության կենտրոնի պետի տեղակալ, աշխարհագրական գիտությունների թեկնածու Գագիկ Սուրենյանը՝ նշելով, որ մայիսի 30-ից սկսած ջերմաստիճանը կբարձրանա 3-4 աստիճանով:
«Առաջիկա օրերին անկայուն եղանակը հանրապետությունում կպահպանվի: Այսօր, 30-ին, 31–ին եւ հունիսի 1-ին հյուսիսային շրջաններում, իսկ մայիսի 28-ին եւ 29-ին հանրապետության առանձին շրջաններում սպասվում է անձրեւ եւ ամպրոպ, իսկ մայիսի 28-ին եւ 29–ին մեծ է կարկուտի հավանականությունը»,-նշեց նա:
Մասնագետի խոսքով` այս տարի կարկտահարության դեպքերը մյուս տարիների համեմատ քիչ են եղել. «Բացառություն է կազմում մայիսի 23-ը, որ առանձին գյուղեր կարկտահարվեցին, բայց միջին արժեքը մյուս տարիներին նկատմամբ քիչ է»։
Գագիկ Սուրենյանը նշեց, որ մինչեւ հունիսի 10-ը հնարավոր է կարկուտ, մասնավորապես հանրապետության հյուսիսային շրջաններում. «Սակայն Արարատյան դաշտում բերք կա»: