Մարդու իրավունքների եվրոպական դատարանը դատապարտել է Թուրքիային՝ 2000 թվականին բանտում դաժանորեն իրականացված «Վերադարձ կյանքին» գործողության համար։

Թուրքական IMC-TV-ի փոխանցմամբ՝  ՄԻԵԴ-ի որոշման մեջ նշվել է, թե թուրքական ոստիկանության «Վերադարձ կյանքին» գործողության ժամանակ խախտվել է «ապրելու իավունքը» եւ խոշտանգումներն արգելող կետերը։

ՄԻԵԴ-ը Թուրքիային պարտավորեցրել է 5 դատապարտյալի վճարել 55 հազար եվրո փոխհատուցում։

Նշենք, որ 2000 թվականի դեկտեմբերի 19-ին Բայրամփաշայի բանտում թուրքական ոստիկանությունը ուժով փորձել է դադարեցնել բանտում հայտարարված հացադուլը, որի ժամանակ սպանվել է 12 դատապարտյալ եւ վիրավորվել՝ 55-ը։